Respublikamizning asosiy boyliklaridan biri paxta xom ashyosi hisoblanadi. Hozirgi paytda yetishtirilayotgan paxta xom ashyosini 25 % i Respublikamizning o’zida qayta ishlanayapdi. Qolgan 75 % i esa chetga xom ashyo sifatida sotilmoqda. Mamlakatimiz valyuta tushimini asosiy qismi paxta tolasini chetga sotishdan tushadi. Shuning uchun ham bugungi kunda paxta hosildorligini va tola sifatini oshirish, olimlar oldida bajarilishi lozim bo’lgan asosiy vazifalardan biri hisoblanadi. Bu vazifani bajarishda g’o`zani yangi serhosil, tashqi muhitni noqulay sharoitlariga chidamli (qurg’oqchilikga, sho’rga, kasalliklarga) navlarini yaratish, agrotexnik usullarni to’g’ri qo’llashni talab qiladi.