Ўқув предметларини, жумладан чет тилни ўргатиш/ўрганишга алоҳида
эътибор берилмоқда. Зеро, хорижий мамлакатлар билан турли алоқаларнинг
мустаҳкамланиши мутахассисларнинг чет тилларни пухта билишларини
тақозо этади. У ёки бу халқ тилини иккинчи ёки чет тил сифатида эгаллаш
осон кечадиган жараён эмаслигини ҳисобга олиб, Ғарб ва Шарқ тилларини
ўргатиш методикасини тубдан қайта кўриб чиқиш, бу соҳада жаҳон
лингводидактикасида эришилган бой тажрибани мамлакатимиз шароитига
кенг татбиқ этиш ва, оқибат-натижада, юксак салоҳиятли рақобатбардош
кадрларни етиштириш давлат сиёсати даражасига кўтарилган.