Mavzuning dolzarbligi. Ma’lumki oliy ta’lim muassasalarining moddiy texnika bazasini mustahkamlash bo’yicha Davlat dasturiga ko’ra O’zbekiston Respublikasi Prezidentining 2011 yil 20 – mayidagi qarori ijrosini ta’minlash maqsadida voha ilmiy potensiali va talablaridan kelib chiqqan holda Samarqand davlat universiteti bazasida «Mikroelektronika materiallarini sintezlash» ilmiy laboratoriyasini yaratish ko’zda tutilgan. Mazkur laboratoriyaning Samarqand davlat universiteti qoshida tashkil etilishi tasodifiy emas. Chunki universitetda akademiklar A. Otaxo’jayev, T. Mo’minov, professorlar A.Nosirov, G’.Abdullayev tomonidan asos solingan fiziklar va professorlar A.Nasimov, E.Abduraxmonov va boshqa olimlar tomonidan yaratilgan ximiklar maktablari jahon hamjamiyati tamonidan e’tirof etilgan va xozirgi kunda muvoffaqiyat bilan faoliyat ko’rsatmoqda.