Жамиятини шакллантириш жараёнида фуқаролик жамияти институтларини ривожлантириш, мазкур институтлар фаолиятини янада фаоллаштириш, жумладан, фуқаролик жамияти институтларининг давлат органлари фаолияти юзасидан жамоатчилик назоратини кучайтириш масаласи долзарб ҳисобланади. Бинобарин, “Бугунги кунда жамоатчилик ва фуқаролик назорати институти жамиятнинг давлат билан ўзаро самарали алоқасини таъминлаш, одамларнинг кайфиятини, мамлакатда кечаётган ўзгаришларга муносабатини аниқлашнинг муҳим воситаларидан бирига айланмоқда” . Шу боис, давлат ва жамият ўртасидаги муносабат, жумладан, давлат органлари фаолияти юзасидан жамоатчилик назорати масаласи доимо ижтимоий фанлар, хусусан, юридик фаннинг муҳим масалаларидан бири ҳисобланади.