O`zbekiston Respublikasi Prezidenti I.A. Karimov ta`kidlab o`tganlaridek, jamiyat taraqqiyotining ustuvor yo`nalishlaridan biri fan va ishlab chiqarishning barcha sohalarida yuqori malakali kadrlar tayyorlash hisoblanadi1. Shu munosabat bilan 1997-yil qabul qilingan "Kadrlar tayyorlash milliy dasturi” oliy ta`limni takomillashtirish, ta`lim tizimi mazmunini tubdan o`zgartirishni, kelajakda mutaxassislar, jumladan yuristlar tayyorlashning sifatini oshirishni ham nazarda tutadi2. Bu bevosita zamonaviy darsliklar tayyorlash ehtiyojini keltirib chiqaradi. Bunday darsliklarni tayyorlamasdan yuqori malakali yuristlarni yetishtirish mumkin emas.