Ўзбекистон мустақиллигининг дастлабки кунлариданоқ халқимиз миллий ўзлигини англаш, қадриятларини тиклаш ва тарихда орттирган бой тажрибаларини бугунги демократик ислоҳотлар билан уйғунлаштириш йўлидан изчил бормоқда. Бошқа халқлар қатори ўзбек халқи ҳам узоқ тарихга эга бўлган қадимий халқлардан ҳисобланади. Бугунги кунда унинг бой тарихини янада чуқурроқ ўрганиш долзарб аҳамият касб этади. Республикамиз Президенти И.А.Каримов «Тарихий хотирасиз келажак йўқ» асарида ўзбек халқининг этник тарихини ўрганиш масаласини олдинги ўринга қўйди: “Ўзликни англаш тарихни билишдан бошланади”. Бинобарин, ўзбек халқининг қадимий илдизларини антропологик ва этник жиҳатдан илмий тадқиқ этиш ғоят муҳим. Шундай экан, антропологик ва этник тарихни тадқиқ этиш баробарида ўтган асрлардаги ушбу масалага оид илмий маълумотларни жамлаш, даврлаштириш ва таҳлил қилиш ҳам этник тарих муаммоларини ҳал этишда яқиндан ёрдам беради. Антропологиянинг Ўрта Осиё халқлари этногенези, этник тарихини ёритишда ўрни каттадир. Бунда қуйидаги жиҳатларга эътибор қаратиш лозим бўлади: