Потенциометрик анализ методи аниқланиши керак бўлган модда эритмасига ботирилган иккита электрод (гальваник элемент) нинг потенциаллар айирмаси (ЭЮК)ни ўлчашга асосланган.
Нернст тенгламаси бўйича аниқланадиган индикатор электроднинг потенциали эритма концентрациясига пропорционалдир.
Лекин индикатор электроднинг потенциалини тўғридан-тўғри ўлчаб бўлмайди. Унинг потенциали амалиётда индикатор электрод ва солиштирма электродлардан тузилган гальваник элементнинг электр юритувчи кучи (э.ю.к) қиймати билан ўлчанади.
Еинд.эл. Егальваник Есолиштирма const
Аммо, қуйидаги сабабларга кўра вольтметрни электродларга тўгридан-тўгри улаб аниқлаш мумкин эмас:
1) Вольтметрнинг ишлаши учун маълум миқдордаги электр токи керак. Агар бу токни тузилган гальваник элемент ҳосил қиладиган бўлса, у ҳолда реакцияга киришувчи моддалар концентрациясининг ўзгариши натижасида, шу гальваник элемент потенциалининг пасайиши кузатилади,
2) элементнинг ички қаршилиги ҳам кучланишнинг пасайишига олиб келади. Шунинг учун элементнинг ўлчанадиган потенциали унинг реал потенциалидан кичик бўлади.
Элемент потенциалининг ҳақиқий қийматини олиш учун, ўлчаш жараёнида ундан кам миқдордаги ток ўтиб туриш керак. Бу талабларга жавоб берадиган ўлчов асбоби потенциометрдир.