Бугунги кунда дунё мамлакатлари молиявий-иқтисодий инқирозни бошидан кечираётган бир пайтда, Республикамиз қишлоқ хўжалигини юқори босқичга кўтаришда мавжуд ресурслардан тўғри фойдаланиш, экинларни парваришлашнинг илмий асосланган, такомиллашган агротехнологияларини жорий этиш, кам маблағ сарфлаб, юқори ва сифатли ҳосил етиштириш шу куннинг долзарб масалаларидандир. Бу борада Президентимиз И.А. Каримов «Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари» асарида қишлоқ хўжалиги махсулотлари ишлаб чиқаришнинг кўпайиши иқтисодий инқирозни бартараф этишнинг асосий йўлларидан бири эканлигини таъкидлаганлар.