Диссертация ишининг долзарблиги. Енгил саноатда техника ва технологияларни ривожлантириш, хом ашё ресурсларидан ва жихозлардан унумли фойдаланиб, юқори сарарали ресурстежамкор рақобатбардош технологияларни қўллаш хисобига бир вақтнинг ўзида ассортиментни кенгайтириб ва ишлаб чиқариш унумдорлигини ошириб, ишлаб чиқарилаётган тикув махсулотлари сифатини яхшилаб бориш мухим хисобланади. Мавжуд ишлаб чиқаришнинг замонавий технологияси учюздан ортиқ технологик операциялардан иборат бўлиб, у турли универсал ва махсус машиналар, автомат ва ярим автоматлар, пресслардан, кичик механизациялашган ва автоматлаштирилган воситалардан фойдаланишни тақазо этади. Бунда, костюм деталларига ишлов бериш учун бир неча ўндан ортиқ қимматбахо жихозлар талаб қилинади. Турли жихозлардан фойдаланиш, ички намлаб-иситиб ишлов бериш жараёнларидаги зарурий операциялари, операциялар аро биридан-бирига узатиш ишларининг кўплаб такрорланиши технологик жараённи мураккаблаштиради ва маҳсулотга берилган шаклнинг бузилишига ва унингсифатини пасайишига олиб келади.