Мавзунинг долзарблиги. Республикамизда чорвачиликнинг
фермерлик асосида ривожлантиришга қаратилган иқтисодий ислоҳатларнинг
амалга ошишида, хусусан Ўзбекистон Республикаси Президентининг 2008 йил
21 апрелда қабул қилинган «Шахсий ёрдамчи, деҳқон ва фермер хўжаликларида
чорва моллар кўпайтиришни рағбатлантиришни кучайтириш ҳамда чорвачилик
маҳсулотлари ишлаб чиқаришни кенгайтириш борасидаги қўшимча чора-
тадбирлар тўғрисида»ги ПҚ-842-қарорининг ижросини таъминлаш, ички
бозорни ҳаётий зарур озиқ-овқат маҳсулотлари – гўшт, сут ва бошқа
маҳсулотлар билан барқарор тўлдиришда чорва молларининг касалликлари, шу
жумладан, соғин сигирларнинг жигар дистрофияси (гепатодистрофия)
касаллиги катта тўсиқлардан бири бўлиб қолмоқда.
Кейинги қатор йиллар давомида ўтказилган илмий тадқиқотлар шуни
кўрсатдики, силос-концентрат типига асосланган озиқлантириш
шароитларидаги соғин сигирларнинг ўртача 30-35 фоизи жигар дистрофияси
касаллиги билан касалланиши аниқланди. Касаллик оқибатида ҳайвоннинг
ориқлаши, сут маҳсулдорлиги ва пуштдорликнинг пасайиши, мажбуран
сўйилиш ва зарарланган жигар хом ашёсининг ташлаб юборилиши эвазига ҳар
бир бош касал сигир ҳисобига хўжаликлар ўртача 80-85 минг сўмдан иқтисодий
зарар кўради. Шу боисдан, соғин сигирларда жигар дистрофиясининг
сабабларини аниқлаш, ташҳис ва олдини олиш усулларини ишлаб чиқишга
қаратилган илмий тадқиқотлар олиб бориш ветер