Akusherlik va ginekologik kasalliklarda reabilitatsiya usullari

BDSSQ (2005) hujjatlariga asosan reproduktiv salomatlik muammosi eng dolzarb masalalaridan biri bo’lib kelmoqda. Ayniqsa, bunda 18 dan 35 yosh oralig’ida bo’lgan ayollar kelajak avlodni salomatligini shakllantiradi. Ammo bu ayollar akusherlik va ginekologik kasalliklarni, xamda perinatal asoratlarni asosiy qismini belgilab beradi. Shu bois, respublikamizda onalar va bolalar salomatligini muhofazalash muammosi eng dolzarb masalalardan biri bo’lib, uning echimida jismoniy va ma’naviy rivojlangan sog’lom avlodni shakllantirish mumkin. Bu sohada ayollarda uchraydigan ginekologik xamda xomiladorlik va tug’ruqdan so’ng davrlardagi kasalliklarni oldini olish, davolash va reabilitatsiya o’tkazish choratadbirlarni muvofiqlashtirish zarurdir. Bunda davolashda va muhofazalash choratadbirlarini o’tkazishda fizioterapiya va reabilitatsiya muolajalaridan keng ko’lamda foydalanish sog’lomlashtirish samaradorligini oshiradi. Albatta, bu usullar bemor uchun qulay va yuqori samaradorligi bilan ajralib turadi. Bu xususiyatlardan keng ko’lamda foydalanish uchun ularni to’g’ri qo’llash va boshqa davolov muolajalari bilan birgalikda samaradorlik darajasini oshirgan xolda tavsiya etish lozim.