Yurak, qon-tomir kasalliklari bilan og’rigan bemorlarni davolashda reabilitatsiya usullarini qo’llash

Yurak, qon-tomir kasalliklari keng tarqalishga moyil bo’lib, davo tadbirlarini o’tkazilishiga qaramay nogironlikka va erta o’limni sodir bo’lishiga olib keladi. Zamonaviy kardiologiya shu kunlarda tashxislash, davolash, yangi dori-darmonlarni va jarroxlik usullarini ishlab chiqishda yuqori ko’rsatkichlarga erishmokda. Shunday bulsa ham, bu kasalliklarning aksariyati surunkali kechishi va vaqt o’tgan sari bemorning xolati og’irlashishi tibbiyot yo’nalishidagi mutaxassislarni yangicha fikrlashga majbur qilib, patologiyaning asl mohiyatini va boshka sohalar bilan o’zaro munosabatini qayta ko’rib chiqishga undaydi. Bu borada kardiologiyaning reabilitatsiya yo’nalishida rivoj topishi maqsadga muvofiqdir.