Мустақил республикамизнинг ривожланиши, энг илғор давлатлар сафида бўлиши, жамиятимизнинг янгиланиши ва тараққиѐти, амалга оширилаѐтган ислоҳотлар тақдири кўп жиҳатдан замон талабларига жавоб берадиган малакали кадрлар тайѐрлаш билан чамбарчас боғлиқ. Ўзбекистон Республикаси Президенти И.А. Каримов раҳбарлигида 1997 йил «Таълим тўғрисида»ги Қонун ва «Кадрлар тайѐрлаш миллий дастури»нинг қабул қилиниши нафақат таълим, балки баркамол авлодни тарбиялаш соҳасидаги ислоҳотлар учун ҳам фундаментал асос бўлди.