Сўнгги йилларда кичик ва хусусий тадбиркорлик ривожланишини рағбатлантириш бўйича амалга оширилган чора-тадбирлар натижасида кичик ва хусусий тадбиркорликнинг Узбекистон ижтимоий-иқтисодий ҳаётидаги роли сезиларли даражада ўсди. Шу билан бирга, кичик ва хусусий тадбиркорликнинг истеъмол бозорини тўлдириш, мамлакатнинг озиқ-овқат мустақиллигини таъминлаш, аҳоли реал даромадларини шакллантиришдаги роли паст даражада сақланиб қолмокда. Шу муносабат билан кичик ва хусу-сий тадбиркорликнинг мамлакатимиз учун устувор ҳисобланган ижтимоий-иктисодий вазифаларни ҳал этишга иштироки даражасини ошириш бўйича аниқ чора-тадбирларни амалга ошириш лозим. Республикамиз Президенти И.А.Каримов 2006 йилнинг якунларига бағишланган Вазирлар Маҳкамасининг мажлисидаги маърузасида таъкидлаганидек, «Кичик бизнес ва хусусий тадбиркорликнинг жадал ривожланишини ҳар томонлама қўллаб-қувватлаш, шу асосда аҳолининг бандлиги ва фаровонлигини ошириш муаммоларини ҳал этишдан иборат».