организми учун доимий равишда зарур бўлган қуруқ моддалар, крахмал, оқсил, клетчатка, витаминлар (С, А, В1, В2, В6, РР ва К), минерал тузлар (кальций, темир, йод, калий, олтингугурт), алмашинмайдиган аминокислоталар (лизин, валин, лейцин, тирозин, изолейцин, метионин, триптофан) кабиларнинг манбаи ҳисобланади. Янги, айниқса ёш туганаклар хушхўрлиги ва хуштаъмлиги билан сақланган туганаклардан устун туради. Шунинг учун, аҳолининг бу туганакларга бўлган эҳтиёжи жуда катта.
Ҳар бир кунда жисмоний меҳнат билан банд одамларнинг 200-300 г эртаги картошка истеъмол қилиши организмнинг энергияга бўлган физологик талабини 10 % га таъминлайди. Ҳозирги вақтда республика аҳолисининг эртаги картошкага бўлган талаби тўла қондирилмаяпти. Чет мамлакатларга (Россия, Яқин Шарқ) эртаги картошка экспорт қилиш мумкинлигига қарамасдан бу даромад манбаи ҳал этилмаяпти.