Мавзунинг долзарблиги. Маълумки, тил жамиятнинг қай даражада тараққий этганини кўрсатиб берувчи ўзига хос кўзгу ҳисобланади. Халқнинг миллат даражасига кўтарилишида, шу халқни ташкил этувчи кишиларнинг орзу-мақсадлар йўлида жипслашишида, шубҳасиз, тилнинг роли беқиёсдир. Мамлакатимизда ҳам миллий мустақилликка эришиш учун қилинган ҳаракатларнинг дебочасида айнан тил масаласи турганини ҳаммамиз яхши биламиз.