Ўзбекистон Республикаси Мустақилликка эришганидан кейин иқтисодий, сиёсий, ижтимоий, маданий ва бошқа йўналишлардаги муаммоларни ҳал этиш борасида дадил қадамлар қўйилмоқда. Республикамиз қишлоқ хўжалиги соҳасида ўтказилаётган ислоҳатлар асосида ҳозирги замон бозор иқтисодиёти механизмларини тадбиқ этиш натижасида қишлоқ хўжалиги корхоналари, фермер ва деҳқон хўжаликлари бозор иқтисоди шароитларига мослашиб ўз ўринларини топаётганлиги ва ишлаб чиқаришни ривожлантираётганликлари албатта катта ютуқлардан биридир.