Умумий амалиёт врачининг фаолияти рухий касалликлар ва наркология фанининг даволов ташхис ва ташкилий муаммолари билан тўқнаш келади. Эпилепсия кенг тарқалган касаллик хисобланиб, сўнги йиллар маълумотларига кўра ахоланинг 1000 кишиси орасида 3-6 одам шу касалликка чалингандир. Рухий касалликлар диспансери хисобида турган беморлар орасида эпилепсия билан хасталанганлар 12-15% ни ташкил этадилар, улардан 10-12 % хар йили касалхонада етиб даволанишга мухтождир. Шунинг учун эпилепсия касаллигини эрта аниқлаш ва ташхис қўйишнинг асосий кўникмаларини, бемор ахволининг оғирлик даражасини бахолашни, эпилептик тутқанокларда, эпилептик статусда биринчи шифохонагача ёрдам кўрсатишни ўзлаштириш, консультант-мутахассисларни жалб қилган холда тиббий ёрдам курсатиш тактикасини ўрганиш жуда мухим хисобланади.