Биотин ферментларнинг коферменти бўлиб, фермент фаоллигига таъсир қилади. Баъзи озиқ-овқат маҳсулотлар таркибида биотиннинг миқдори (озиқ- овқат маҳсулотларининг 100 г) мол жигарида 102мкг, соя унида 63мкг, тухум сариғида 54 мкг, ёнғоқда 37 мкг, сардинада 21 мкг, бодомда 17 мкг, қўзиқорин-
да 15мкг, гул каромда 17мкг, сут кукунида 40мкг, нўхотда 18мкг бўлади.
Организмда биотин етишмаслигидан дерматит, анимия, депрессия, соч тўкилиши, қонда қанднинг ортиши, тери юзаси яллиғланиши, уйқусизлик, кўнгил айниши, қонда холестриннинг ортиши кузатилади.
Ишнинг мақсади: мол жигаридан биотин олиш жараёнини оптималлаш.
Усуллар: майдаланган мол жигари сув билан экстракция қилинди. Экстракциядан специфик лиганд ёрдамида биотин ажратиб олинди. Биотинни ажратиб олиш жараёни учун оптимал технологик параметрларни аниқладик. Жараёнга таъсир этувчи асосий омиллар: Х1–жараён гидромодули; Х2–хом ашё майдаланганлик даражаси; Х3–экстракциялаш вақти; Х4-алаштириш тезлиги. Тажрибаларда таъсир этувчи омилларнинг қийматлари ва ўзгариш соҳалари қуйидагича олинди.