Мамлакат иқтисодий ҳаётининг барча соҳаларига ва такрор ишлаб чиқариш босқичларига тўлов айланмаси таъсир кўрсатади. Иқтисодиётнинг юксалиши ёки унинг таназзулга юз тутишини акс эттирувчи кўтарилиш, гуллаб-яшнаш, таназзул ва депрессиялар унда ўз ифодасини топади. Тўлов айланмаси капиталнинг доиравий айланиши ва айланиши, даромадларни тақсимлаш ва қайта тақсимлаш, пул муомаласи, кредит ва молиявий бозор учун асос бўлиб хизмат қилади. Тўлов айланмаси туфайли корхоналарнинг тармоқ ичидаги ва тармоқлар ўртасидаги ўзаро боғлиқлиги, шунингдек, мамлакат турли минтақаларининг ягона тўлов
маконига бирлашиши амалга оширилади. Ҳар қандай хўжалик юритувчи субъект, тармоқ ва минтақанинг молиявий жиҳатдан соғломлиги тўлов айланмасидаги тўловларнинг оқими ва маблағларнинг келиб тушиши ўртасидаги нисбатга ҳал қилувчи даражада боғлиқдир.