табиий хом ашёларни дори шакллари технологиясида қўллаб, юқори самарали ва танага безарар таъсирни таъминлаш замонавий фармациянинг долзарб масалаларидандир. Юмшоқ дори турларига қўйилган талабларни инобатга олган ҳолда биофаол моддалар билан ўзаро таъсирлашмасдан, керакли фармакологик таъсирни таъминлаб берувчи ёрдамчи моддаларни амалиётга тадбиқ этишга қаратилган бир қатор тажриба натижаларининг тахлили изланишнинг мақсади қилиб белгиланди.
Мазкур изланишлар халқаро ҳамкорликдаги интеграцион лойиха бўлиб, Жанубий Қозоғистон Тиббиёт Академияси олимлари томонидан ишлаб чиқилган “ЖК-ЭКЖ-2” гидрофоб асосини суртмалар технологиясида қўллаш имконини яратиш тадбирлари ТошФарми Дори турлари технологияси кафедраси ходимлари билан ҳамкорликда амалга оширилди.