Hujayra tuzilishiga, tarkibiy qismlariga va fiziologik jarayonlariga ko`ra prokariot va eukariot hujayralarga bo`linadi. Prokariotlarga bakteriyalar va ko`k-yashil suvo`tlari kirsa, eukariotlarga suvo`tlar, zamburug`lar, yuksak o`simliklar va hayvonlar kiradi. Har qanday hujayra ham avval mavjud bo`lgan hujayraning bo`linishidan hosil bo`ladi. Ko`p hujayrali murakkab organizmning hujayralari, bir hujayralilarnikiga tuzilishi jihatdan birmuncha o`xshash bo`ladi.