Ixtiro – aql o`yini emas, balki hayotiy ehtiyoj. Atrofimizdagi prеdmеtlarning bari ixtiro natijasi. Ilgari ular noma`lum edi. hеch kim bilmagan narsani ma`lum qilish - ijodiy jarayon. Ijod bilan har qadamda duch kеlamiz. Ilk ixtirolarda asosan “sinab ko`rish va xatolarni aniqlash” usuli ishlatilgan bo`lsa, hozirda bu ibtidoiy usul sanaladi. To`g`ri, ba`zida ilhom yoki ko`rilgan tush oqibatida ham olamshumul kashfiyotlar qilingan. Biroq ixtiroga ishorat qiluvchi ilhom va tushlar hammaga ham nasib etavеrmaydi. Ularga erishish uchun ham izlanish, bosh qotirish kеrak, albatta. Ijodiy jarayon samaradorligini oshirish uchun esa ixtiro masalalarini еchish usullari bilan tanishibgina qolmay amalda qo`llab turish ham zarur.