Воҳа ландшафтлари Ўзбекистон ҳудудида кенг тарқалган антропоген геосистемаларнинг асосий таркибий қисми бўлиб, улар республика иқтисодиётида, айниқса қишлоқ хўжалик маҳсулотларини ишлаб чиқаришда етакчи аҳамият касб этади. Сурхон-Шеробод воҳасида бир қатор йирик сув омборларининг, шунингдек «Шеробод» ва «Занг» магистрал канал-ларининг қурилиши, улар тармоқларининг узайтирилиши, Шеробод чўлининг техник қайтадан шаклланишига имкон яратиш билан бир қаторда, экин майдонларининг интенсив кенгайиб бориши ва сувлардан тежамсиз фойдаланиш, чўлнинг табиий ландшафт компонентларининг ўзаро боғлиқлиги ва барқарор-лигига салбий таъсир кўрсатиб, тупроқ қоплами ва экинларни турли таназзуллардан, жумладан шўрланиш жараёнларидан ҳимоя қилиш муаммоларини келтириб чиқарди.