Республикамиз Президенти И.А.Каримов
«Жаҳон молиявий-иқтисодий инқирози, Ўзбекистон шароитида уни
бартараф этишнинг йўллари ва чоралари» асарида “...ўтган давр мобайнида
орттирилган тажрибамиз фермерчиликни янада ривожлантириш учун бир
қатор жуда муҳим муаммоларни, хусусан, фермер хўжаликлари
барқарорлиги, энг муҳими, улар самарадорлигини ошириш билан боғлиқ
масалаларни ҳал этишни талаб қилмоқда. Фаолият юритаётган аксарият
фермер хўжаликлари тажрибаси шундан далолат берадики, фермер
хўжаликлари шаклланишининг дастлабки босқичида уларга ажратилган ер
майдонларининг етишмаслиги ишлаб чиқариш рентабеллиги ўсишига кўп
жиҳатдан тўсқинлик қилмоқда. Имконияти, куч-қуввати кам фермер
хўжаликлари ўзини зарур техника, айланма маблағлари билан таъминлаш,
кредит қобилиятига эга бўлиш, энг асосийси, харажатларни қоплаш ва фойда
кўриб ишлаш, даромадни оширишнинг ишончли асосига айланолмаслигини
бугун ҳаётнинг ўзи кўрсатмоқда.1 ”-, деб таъкидладилар. 2011 йилда
мамлакатимиз ижтимоий-иқтисодий ривожланишининг энг муҳим мақсади
ва асосий устувор вазифаси – ислоҳотларни давом эттириш ва
чуқурлаштириш, мамлакатимизни янгилаш ва модернизация қилиш, 2009 –
2012 йилларга мўлжалланган Инқирозга қарши чоралар дастурини сўзсиз
бажариш ва шу асосда иқтисодий ривожланишнинг юқори ва барқарор
суръатларини, самарадорлигини ҳамда макроиқтисодий мувозанатни
таъминлашдан иборатдир. Жумладан, аграр тармоқ барқарор ривожланмоқда
“2010 йилда қишлоқ хўжалиги маҳсулотлари ишлаб чиқариш 2009 йилга
нисбатан 6,8 фоизга, 2000 йилга нисбатан эса 1,8 баробар ошгани ҳам
шундан далолат беради.2”