Туркий адабиётга аруз вазнининг кириб келиши туркий халқларнинг шеъриятидаги катта ўзгаришларга олиб келди. Туюқнинг келиб чиқиши узоқ даврларга бориб тақалади. Айрим фикрларга таянадиган бўлсак, туюқ халқ оғзаки ижодидаги маъни, баёти, қўшиқ, лола, ўлан каби тўртликлардан ўсиб чиққан дейилади. Бундай тўртликлар форс-тожик адабиётида тарона, дубайтий, пахлавият; русларда катрен, частушкалар; немисларда шнадерхупфел, малайзияликларда пантун деб аталади.