Hozirgi kunda jamiyatning izchil rivojlanishini axborot texnologiyalarisiz tasavvur etib bo`lmaydi. O`zbekiston Respublikasi Prezidentining 21.03.2012y. №PP-1730 “Zamonaviy axborot-kommunikatsiya texnologiyalarini yanada joriy etish va rivojlantirish chora-tadbirlari to`g`risida”gi qarori va ushbu qarorni amaldagi tadbig`ini ta’minlash maqsadida 2012-2014 yillarga mo`ljallangan dasturni sifatli bajarilishiga zamin yaratilgan. Qarorga binoan, axborotlashtirishning milliy tizimini yaratish, iqtisodiyot va jamiyat hayotining barcha sohalarida zamonaviy axborot texnologiyalarini, kompyuter texnikasi va telekommunikatsiya vositalarini ommaviy ravishda joriy etish, hamda ulardan foydalanish, fuqorolarning axborotga ortib borayotgan talab-ehtiyojlarini yanada to`laroq qondirish, jahon axborot jamiyatiga kirish, hamda jahon axborot resurslaridan bahramand bo`lishni kengaytirish uchun qulay shart – sharoitlar yaratilib kelinmoqda.