Мустақил Ўзбекистоннинг XXI асрда жаҳоннинг илғор ва етакчи давлатлари қаторида бўлишини таъминлашга қодир ва қобил издошларга эҳтиёжи кун сайин ошиб бормоқда. Улар Ўзбекистон манфаатларини ҳар жиҳатдан, чунончи, сиёсий иқтисодий, ҳарбий, маънавий – руҳий ҳимоя қила оладиган салоҳиятга эга бўлишлари лозим. Бунинг учун улар нафақат ҳозирги замон дунёвий илмларини, балки ўтмишда ўтган буюк боболарнинг ҳаёти ва фаолиятини мукаммал билишлари шу кунинг асосий талаби ҳисобланади. Тарихда ўтган буюк шахсларнинг, айниқса Амир Темурнинг ҳаёти ва фаолияти бунда асосий мезон бўла олади. Соҳибқирон Амир Темурнинг ҳаёти ва фаолиятини ёшларимиз чуқур ва зеҳн билан мукаммал ўргансалар жасур, ақл-идрокли, Ватанга фидойи фарзандлар бўлиб етишадилар.