Илмий фаолият даврининг асосий натижаси ҳисобланган диссертация иши мавзуси ишлаб чиқариш, таълим, иқтисодиёт, фан-техника, шу жумладан, тўқимачилик ва енгил саноат соҳаларидаги илғор ва долзарб масалаларга бағишланиб, муайян бир вазифанинг илмий асосланган ечимини топишга, тавсиялар ишлаб чиқишга, статистик маълумотлар таҳлилига қаратилган бўлиши шарт.
Ҳар бир талабага илмий-тадқиқот, илмий-психологик ва илмий- педагогик йўналишлари бўйича кафедрада яратилган базадан мавзулар тақдим этилади. Шунга биноан, ҳар бир талаба илмий раҳбари билан келишган ҳолда ўзига мавзу танлайди.
5A540514 – Махсус фанларни ўқитиш методикаси (ТСМТ) ва 5A540606 - Махсус фанларни ўқитиш методикаси (ЕСМТ) мутахассисликларида таҳсил олувчи магистрантлар магистрлик диссертацияси учун мавзуни касб-ҳунар таълимининг долзарб муаммоларидан бирига бағишланадиган, шунингдек, касб-ҳунар коллежлари талаб ва эҳтиёжларидан келиб чиққан ҳолда танлаши лозим. Мавзу танлаб олингач, институт Илмий-услубий Кенгашида муҳокама этилиб, тасдиқланади. Сўнгра магистрант икки йиллик илмий фаолияти бўйича шахсий режа тузиб чиқиши ва шу асосда фаолият юритиши лозим (1-илова).