Мавзунинг долзарблиги. Мамлакатимизда иқтисодиёт, фан, техника ва технологиялар ривожланиши ҳамда ютуқлари асосида юқори малакали, мустақил қарор қабул қила оладиган, эркин фикрлайдиган кадрларни тайёрлаш борасида юксак аҳамиятга эга бўлган ишлар амалга оширилмоқда. Бу борада юртбошимиз И.А.Каримов “Юксак маънавият – енгилмас куч” асарларида “Жамият ҳаётида шундай даврлар бўладики, ўз умрини яшаб бўлган эски тизим қонун-қоидаларини янгича асосда ўзгартириш, барча соҳаларда кенг кўламли ислоҳотларни амалга ошириш зарурати энг муҳим эҳтиёж, керак бўлса, ҳаёт-мамот масаласи сифатида кун тартибига чиқади”, – деган фикрлари айни ҳақиқатдир1.