Ижодий (муаммовий) топшириқлар анъанавий топшириқлардан фарқ қилиб, иштирокчилардан ахборотларни оддий етказиб беришни эмас, балки ўзида номаълумлик элементларини ифодалагани учун ижодийликни талаб қилади. Кўпинча «тўғри жавоб» ўқитувчига ҳам маълум бўлмаслиги мумкин. Бундай топшириқларга қуйидагилар мисол бўлиши мумкин: ҳужжатлар(хатлар, даъво аризаси, шикоят)ни тузиш, муайян муаммо бўйича сўзга чиқишга тайёргарлик, ўқув ўйинларида ролни бажариш, баҳсли масалани муҳокама қилиш.