Маҳаллий бюджетлар даромад базалари барқарорлиги мамлакатимиз маъмурий ҳудудларининг қуйи бўғинларида, яъни вилоятлар, туманлар, шаҳарлар ва бошқалар доирасида амалга оширилаётган иқтисодий ислоҳотларнинг муваффақиятини белгилаб беришда муҳим аҳамиятга эга. Чунки маҳаллий бюджетлар барқарор даромад базаларига эга бўлса, улар хизмат қилувчи маҳаллий ҳудудлар доирасида иқтисодий ислоҳотларни молиявий жиҳатдан таъминлашда муаммолар бўлмайди ёки улар бир қадар осонлик билан ҳал қилиниши мумкин.