Услубий қўлланма “Педиатрия амалиётида ишлатиладиган суюқ ва қаттиқ дориларни тайёрлаш асослари” мавзусидаги лаборатория машғулотни замонавий талабларга биноан ўтказиш, бугунги кунда дорихонада кўп учрайдиган рецептлар мисолида болалар учун мўлжалланган суюқ ва қаттиқ дори турларни тайёрлаш ва уларга корригентлар қўшиш бўйича амалий кўникмаларни ҳосил қилиш, сифатига баҳо бериш, жиҳозлаш ва сақлаш каби маълумотларни ўзлаштиришга ёрдам беради. Услубий қўлланмада суюқ ва қаттиқ дорилар технологиясига оид сўнги илмий янгиликлар билан бир қаторда ҳозирги кунда таълим жараёнида кенг қўлланиладиган интерактив методлар ва инновацион технологияларни ўқув жараёнида қўллашни кўзда тутади. Замонавий педагогик технологиялар ўқувчи-талабаларни фақат тайёр билимларни эгаллашга эмас, балки билимларни ўзлари қидириб топишлари ва тегишли хулосаларни ҳам ўзлари келтириб чиқаришга ўргатади. Қўлланма илғор педагогик технологиялар принципида тузилган: мавзуни ўрганишдан мақсад, мавзунинг аҳамияти, талабалар вазифаси, услубий таъминот ва машғулотни жиҳозланиши, вазиятли маслалар (“мауммоли вазият” педагогик технология методидан фойдалаган ùолда муùокама қилиш тавсия этилади), мустақил тайёрланиш учун саволлар ва бажариладиган топшириқлар (“ақлий ҳужум” педагогик технология методидан фойдаланган ҳолда ўтказиш тавсия этилади), услубий кўрсатмалар, талабаларни ўзлаштиришини текширишда, тест саволлари ва талабаларни умумий фикр доирасини кенгайтириш, мустақил равишда адабиётлардан фойдаланишига қаратилган “тармоқлар” методи асосида топшириқлар берилган.