Ушбу ўқув-услубий қўлланма токсикологик кимё фани бўйича Ўзбекистон Республикаси Соғлиқни сақлаш вазирлиги ҳамда Ўзбекистон Республикаси Олий ва ўрта махсус таълим вазирлиги томонидан тасдиқланган дастур асосида тузилган бўлиб, у ашёвий далиллар таркибидан заҳарли, гиёҳванд ва кучли таъсир этувчи моддаларни қутбли эритувчилар (нордонлаштирилган спирт ва нордонлаштирилган сув) ёрдамида ажратиб олиш, ишқорий муҳитда олинган ажратмаларни тозалаш ва уларни сифатини таҳлил қилишга бағишланган. Айни гуруҳ моддалар ”Органик заҳарлар” деб номланиб, тиббиётда кенг қўлланилиши ва айримларини табиий шароитда учраши бу моддалар билан заҳарланишга олиб келади. Ўзбекистон Республикаси Соғлиқни сақлаш вазирлигининг буйруљ ва қарорларига асосан тўлиқ суд кимёси таҳлилига рухсат этилган моддаларга текшириш олиб борилади.