Мазкур ўқув-услубий қўлланма олий ўқув юртларида таълим рус тилида олиб бориладиган бакалавр ўйналишидаги талабалар учун мўлжалланган.
Қўлланма 16 тематик мавзудан иборат бўлиб, ҳар бир бўлим тегишли матнлардан ташкил топган.
Унда «Ўзбекистоннинг тарихий шаҳарлари», «Низомий номидаги ТДПУ тарихи», «Мен танлаган касб», «Ўзбек халқининг урф-одатлари», «Миллий спорт турлари», «Ўзбекистон байрамлари», «Ўзбек миллий санъати» каби нутқий мавзулар ёритилган. Ҳар бир мавзу бўйича бир нечта матнлар, саволлар, топшириқлар ва луғат иши берилган. Шунингдек, нутқий мавзулар юзасидан суҳбатлар ҳам ўрин олган.
Ушбу қўлланма талабаларнинг оғзаки нутқини ўстириш, ўрта мактабда, лицей ва коллежларда ўзбек тилидан олган билимларини янада такомиллаштиришга мўлжалланган.