Изохинолин ҳосиласи бўлган дори моддаларига папаверин гидрохлорид, уни синтетик ўринбосари дротаверин гидрохлорид (Но-шпа), фенантренизохинолин ҳосиласига морфин гидрохлорид, кодеин, кодеин фосфат, диэтилморфин, апоморфинлар киради. Мақсад талабаларга изохинолин ва фенантренизохинолин ҳосилалари бўлган дори моддаларининг физик-кимёвий хоссаларига асосланган ҳолда уларнинг таҳлил усулларини ўрганишдан иборат. Талабалар бу гуруҳ моддаларини таҳлилини ўрганар эканлар, кимё фанлари бўйича олган билимларига таянган ҳолда, дори моддасининг фармакологик самарасига таъсир этувчи функционал гуруҳларнинг ҳоссалари билан танишадилар.