1991 йил 31 августда Ўзбекистон Республикаси мустақилликка эришгач, Олий ва ўрта махсус таълим Вазирлигига қарашли ўқув юртлари талабалари учун ўзбек тилида дарслик ва ўқув қўлланмалар яратишдек муҳим ва маъсулиятли вазифа юзага келди. Кўп фанлар қаторида тарих фанлари бўйича ҳам дарслик ва ўқув қўлланмаларни чоп этиш зарур ва долзарб муаммолардан бирига айланди. Жумладан, “Умумий тарих” нинг узвий қисми – “Қадимги Шарқ тарихи”, “Қадимги Греция (Юнонистон) тарихи”, “Қадимги Рим тарихи” бўйича ўзбек тилида биринчи галда қўлланмалар яратиш вазифаси кўндаланг бўлди.