Ўзбекистон Республикаси ўз мустақиллигини жахон миқёсида йил сайин барқарорлаштириб борар экан, унинг истиқболи бугунги авлодни билимдон, маънавий жихатдан баркамол инсонлар бўлиб етишишига боғлиқдир. Жамиятимизнинг янгиланиши ва демократлашуви Ўзбекистонда юз бераётган ижтимоий сиёсий иқтисодий ўзгаришлар муносабати билан ёш авлодга таълим тарбия бериш сифатларини оширишга бўлган ташкилий педагогик, психологик ёндошувунинг такомиллашувига алоҳида эътибор бериляпти. Маълумки, Ўзбекистон Республикаси олий мажлиси IХ сессиясида қабул қилинган «Таълим тўғрисида»ги Қонун ва «Кадрлар тайёрлаш миллий дастури»да ўқув дастурини замонавий талабларга мослаштириб истиқбол ва келажагимизни кўзлаган холда тузиб олишимиз ва жорий этишимиз зарур дейилган [2]. Шунга мувофиқ талабалар академик лицей ва касб хунар коллежларида мутахасисликка йўналишлар бўйича чуқурлаштирилган дастурлар асосида билим оладилар.