Мазкур ўқув қўлланма "Давлат ва ҳуқуқ назарияси" фани ўқув курсининг энг муҳим мавзуларидан бири бўлган давлат функцияларига бағишланган бўлиб, унда давлат функциялари тушунчаси, мазмуни ва уни таснифлаш, давлат функцияларининг давлат мақсади ва вазифалари билан ўзаро нисбати, давлатнинг экологик функцияси каби масалалар ёритилган. Ўқув қўлланмасини тайёрлашда мамлакатимизда ва ҳорижда эълон қилинган юридик адабиётлар, илмий журнал ва оммавий ахборот воситаларида мавзуга оид чоп этилган мақолалар ва рисолалардан фойдаланилган.
Ушбу ўқув қўлланма давлат назарияси муаммолари билан шуғулланувчи мутахассисларга, олий юридик ўқув юртлари ўқитувчилари ва аспирантлари, магистратура тингловчилари ва талабаларга мўлжалланган.