Ma’naviy barkamollikni axtarib, unga yetishmoq umidida inson hamisha yaxshilardan, yoshi ulug`lardan ibrat oladi. Ibrat esa faqat tarixda, o`tmishda o`tgan bobolarimiz timsolidagina emas, bugunning o`zida kundalik hayotimizda ham, agar sinchiklab qaraydigan bo`lsak, yetarlicha namoyon bo`ladi. Biz har kuni kundalik hayotimizda ibrat namunalariga ko`plab duch kelamiz, buni esa yurak ehtiyoji bilan his etish ko`nikmasini farzandlarimizda shakllantirish bugungi kunning dolzarb vazifasi sanaladi.