Ushbu o’quv qo’llanmada yarimo’tkazgich materiallar va asboblar fizikasi bo’yicha laboratoriya-amaliyot ishlarining tavsiflari keltirilgan. Ushbu qo’llanmaning maqsadi: ma’ruza materiallaridan talabalar olgan nazariy bilimlarni mustahkamlash, ularni keng tarqalgan uslublar, yarimo’tkazgich materiallar va asboblar ko’rsatkichlarini aniqlash, hamda laboratoriya qurilmalari va ularning tuzilish sxemalari bilan yaqindan tanishtirishdan iboratdir.
Talabalarning bilimlari turlicha ekanligini va ularning turli o’lchash uslublarini o’zlashtirish darajalarini hisobga olgan holda, har bir laboratoriya ishi tavsifining boshlang’ich qismida ko’rilayotgan o’lchash uslubining nazariy asoslari zarur formulalar yordamida batafsil tushuntirilgan. Olingan natijalarni solishtirish va tahlil etish uchun zarur mahlumotlar va qiymatlar jadvallarda keltirilgan. Talaba bajarayotgan har bir laboratoriya ishini yaxshi tushunishi va to’liq tasavvurga ega bo’lishi, hamda eslab qolishi uchun o’rganilayotgan yarimo’tkazgich asbob va strukturalarning tashqi ko’rinishlari keltirilgan.