"Мавзунинг долзарблиги. Ушбу ишда тўқимачилик саноатида катта ҳажмда матолар ишлаб чиқариладиган пишитилган ипларни тайёрлашда техник ва технологик имкониятларини аниқлаш, ипларни пишитиш жараёнида уларни хоссаларини таъминлаш асосида технологик-сифат кўрсаткичини ҳамда иқтисодий самарадорликни ошириш мавзуси ҳозирдаги долзарб муаммолар жумласига киради.
Тадқиқот объекти ва предмети: ушбу магистрлик диссертациясида тадқиқот объекти сифатида ипни пишитиш жараёни ва ускуналари қабул қилинган бўлиб, тадқиқот предмети пишитилган иплар ва уларни хоссаларидиан иборат.
Тадқиқот мақсади ва вазифалари:
Юқоридагиларни ҳисобга олиб ушбу ишда пишитилган ипларга бўлган эҳтиёжни ҳисобга олиб ип йигириш ва уни пишитишни замонавий технологик талабларига мувофиқ ипларни пишитиш технологик кўрсаткичларини уларнинг хоссаларига таъсирини аниқлаш бош мақсад этиб қўйилди.
Қўйилган мақсадга эришиш учун турли шароитларда ипларни тайёрлашда пишитиш жараёнини аниқлаш ва уни самарадорлиги баҳолаш учун бир қатор вазифалар бажарилди.
Илмий янгилиги: ушбу диссертация ишида амалга ошириладиган изланишларни назарий янгиликлари жумласига ипни йигириш усулини уни пишитишдаги таъсирини аниқлаш, уни хоссаларини шаклланишини ўрганиш усулларини такомиллаштириш, ип пишитиш жараёнини амалга ошириш ва тадқиқ этиш, пишитиш усулини ипни туклилик даражасига таъсирини баҳолаш амалга оширилди.
Тадқиқотларда пахта толасидан турли усулларда йигирилган ипларни бирнечтасини қўшиб пишитишда уларни таркибий тузилишини ўзгариши, бериладиган бурамлар сонини ип хоссаси ва сифатига таъсирини баҳолаш, бунда ипни нотекислигини ўзгариши ва туклилик даражасини таъминлашни имкониятларини баҳолаш каби асосий масалалар ўрганилган.
Тадқиқотда қўлланилган методиканинг тавсифи. Магистрлик диссертацияси устида ишлашда назарий ва амалий тадқиқот усуллари қўлланилди.
Диссертация иши кириш, учта, умумий хулоса ва тавсиялар, адабиётлар рўйхати ва иловалардан иборат.
"