Мазкур маърузалар матни ана шу вазифани ҳал қилиш йўлида қўйилаётган дастлабки қадамлардан биридир. У кейинги даврда мантиқ илмида бўлган ўзгаришларни ҳисобга олган ҳолда тайёрланган. Хусусан, унда формал мантиқнинг ўзига хос хусусиятларини нисбатан аниқроқ тушунтириб бериш мақсадида формаллаштиришнинг моҳияти, мантиқнинг формаллашган тилининг яратилиши ҳақида маълумотлар берилган. Бир қатор мавзулар, айниқса дедуктив хулоса чиқариш, индуктив хулоса чиқариш масалалари янги материаллар асосида тўлароқ ёритилган. ¤збек тилида биринчи марта мулоҳазалар мантиғи ҳақида умумий маълумот берилган ҳамда преди-катлар мантиғини яратиш йўллари кўрсатилган. Аргументлашга оид масалалар доираси ҳам анча кенгайтирил-ган, уларнинг мазмуни янги маълумотлар ҳисобига бойитилган. Бу ҳол муаммо ва назария масалаларини ёри-тишга ҳам тегишлидир. Хусусан, матнда назариянинг структураси, функциялари ва турларини янгича ёндашиш асосида очиб беришга уринишни кузатиш мумкин.