Ҳозирги замоннинг энг муҳим глобал муаммолардан бири, дунё аҳолисининг кўпайиши ва ривожланган мамлакатларда юз бераётган демографик ўтишдир. Рокфеллер ва Колумбия университетларида фаолият кўрсатаётган, аҳолишунослик лабораториялари маълумотларига кўра, дунё аҳолисининг сони йилига 74 - 76 млн. кишига кўпаймоқда. ХХI асрнинг дастлабки 50 йилида дунё аҳолиси сони ошиб, 9,1 млрд. кишига етади. Бу жиҳатдан, дунё аҳолиси сон ва сифат жиҳатидан ўзгармасдан бир нуқтада тураверадиган, тарихий тараққиётга бефарқ қарайдиган муайян нарса эмас. Жамият ташкил топганидан то ҳозирги даврга қадар мавжуд бўлган тарих – бу аслини олганда, аҳолининг тарихидир.