Тадқиқотнинг мақсади ипнинг механик хосса кўрсаткичларини йигиришнинг технологик жараёнлари хусусиятларини инобатга олиб, прогноз қилиш ва баҳолашнинг илмий асосларини яратишдан иборат.
Белгиланган мақсадга эришиш учун қуйидаги тадқиқот вазифалари қўйилган: йигириш усулларига бағишланган илмий тадқиқотлар натижаларини таҳлил этиб умумлаштириш, технологик жараёнлар хусусиятларини инобатга олиб, ипнинг механик хоссаларига таъсир этувчи омилларни баҳолаш; чизиқий ва ночизиқий кам бурамли ип структураси ўзгаришини тадқиқ этиш ва деформациясини моделлаштириш ҳамда ипнинг зўриққан-деформацияланган ҳолатини қайишқоқлик назарияси асосида таҳлил этиш;