2014-yilda yuqori texnologiyalarga asoslangan mashinasozlik va metallni qayta ishlash sanoati 121 foizga, qurilish materiallari sanoati 113,6 foizga, engil sanoat 113 foizga va oziq-ovqat sanoati 109 foizga o`sgani misolida buni yaqqol ko`rish mumkin.
Hech mubolag’asiz aytish mumkinki, 2015-yil sanoat sohasida yuksak texnologiyalarga asoslangan va zamonaviy muhim ob’ektlar va quvvatlarni ishga tushirish, investitsiyalarni oshirish va takomillashtirish yili bo`ladi .
Respublikamiz g’alla mustaqilligiga erishdi. YAqin – yaqingacha aholi ehtiyoji uchun zarur bo`lgan bir necha million tonnalik don ming mashaqqatlar evaziga chetdan keltirilgan mamalakatda qisqa vaqt ichida haqiqiy mo``jiza yuz berdi. Kechagina yuz ming tonnaning nari – berisida bug’doy etishtirilgan o`lkada bugun million – million tonnalik oltin rang xirmonlar tovlanib turibdi.