Ma’lumki, she’riyat yangicha mazmun va shakl kasb etar ekan, uning tadqiqi yuzasidan nazariy qarashlar ham boyib boradi. Bu borada turli tadqiqot ishlari yuzaga kelgan. She’rga, uning asosi bo’lgan, mohiyatini, hissiy ta’sirini belgilaydigan hodisalarga e’tibor shu sababli yanada kuchaymoqda. Bu hodisalar adabiyotshunoslikda “lirik kechinma” atamasi bilan yuritiladi. Lirik kechinmaning nazariy jihatlari to’liq tadqiq etilmaganligi, uning bugungi kundagi ko’rinishini nisbatan kam o’rganilganligi tadqiqotimiz mavzusining dolzarbligini belgilovchi muhim omillardandir