Муайян диний таълимот, ақида ёки йўлни мутлақо тўғри ҳисоблаб, бошқа барча ғояларни ёлғон деб билиш ва кўр-кўрона инкор этишга асосланган қарашлар ҳамда унга таянган амалиёт.
Баъзи мутаассиблар динни худди Пайғамбар алайҳиссалом даврларидаги каби ҳолатга келтириш керак деб ҳисоблашса, айримлари ўрта асрлардаги халифаликни барпо қилиш лозим деган қарашда маҳкам турадилар. Улар ўз ғояларини амалга оширишга қарши чиққанларни йўқ қилишга уринадилар.
Диний мутаассибликка қарши курашнинг энг асосий йўли маърифат ва ҳурфикрлилик бўлиб, улар замирида одамлар қалбига эзгулик, ҳамжиҳатлик, бағрикенглик, тотувлик ғояларини сингдириш ётади.