Tashqi iqtisodiy aloqalar moddiy, moliyaviy va zakovat boyliklarining mamlakatlar o`rtasida almashinishining turli yo`nalishlari, shakllari va vositalarini ifodalovchi yaxlit tizimdir. Bu istalgan mamlakat iqtisodiyotidagi eng murakkab soha bo`lib, o`z rivojlanishi uchun atroflicha yondashishni taqozo etadi. O`zbekistonning siyosiy mustaqillikka erishishi va bozor munosabatlariga o`tishi, bosqichma - bosqich iqtisodiy islohotlarning amalga oshirilishi mamlakat taraqqiyotida tashqi iqtisodiy alokalarning rolini ancha ko`tardi.