Mahalla aholining shunchaki, istiqomat qiladigan joyi bo’libgina qolmasdan, balki yoshlarni milliy va umuminsoniy qadriyatlar asosida tarbiyalashda eng asosiy ishonchli maskan va qo’rg’on sifatida xizmat qilmoqda. Yosh avlod mahalla oqsoqollarining salobatlari ta`sirida o’zlarini turli nomaqbul hatti-harakatlardan tiyadilar. Ro’zg’orning risoladagidek bo’lishi, er - xotinning tinch-totuv, piru - badavlat va uvali-juvali bo’lib yashashida mahallaning ta`siri kuchlidir.